Adrian Mutunun “Neftçi”yə gəlişi baş tutmadı

Baş məşqçi axtarışında olan “Neftçi” daha bir namizədlə razılıq əldə edə bilməyib.

Futbolxeber.az saytının əldə etdiyi məlumata görə, iddia olunduğu kimi, “ağ-qaralar” həqiqətən də Adrian Mutunun xidmətində maraqlı olub.

Flaqman tanınmış rumın mütəxəssisi baş məşqçi vəzifəsinə gətirmək istəyib. Lakin Mutunun hazırkı klubu “Rapid”lə sözləşməsi var. Məhz bu səbəbdən də  44 yaşlı məşqçinin “Neftçi”yə gəlişi baş tutmayıb.

Dünən Rumıniyanın gsp.ro saytı "Neftçi"nin Mutu ilə danışıqlar apardığı barədə məlumat yaymışdı.

Qeyd edək ki, Rumıniya futbolunun ən tanınmış simalarından olan Mutu hazırkı klubuna qədər “Voluntari” (Rumıniya), “Əl-Vəhdə” (BƏƏ, gənclər komandası), Rumıniyanın U-21 millisi və “Universitatya Krayova”da (Rumıniya) çalışıb.