Çerçesov: "Qarabağ"la oyun yoxlama matçına bənzəmədi"

"Yoxlama matçlarında "Qarabağ" və "Zalsburq" kimi rəqibləri ona  görə seçdik ki, Çempionlar Liqasının təsnifat mərhələsinə hazırlaşırıq".

Futbolxeber.az saytının məlumatına görə, bu sözləri "Ferentsvaroş"un (Macarıstan) baş məşqçisi Stanislav Çerçesov "Sport-ekpress" qəzetinə müsahibəsində deyib.

Rusiyalı mütəxəssis xatırladıb ki, "Qarabağ"la ötən mövsüm Çempionlar Liqasının üçüncü təsnifat mərhələsində qarşılaşıblar: "Bu dəfə yaxşı oyun alındı. Düzdür, görüş matçdan əvvəl müzakirə etdiyimiz kimi yoxlama oyununa bənzəmədi. Uşaqlar bir-birilərini bir az vurdular, amma final fitindən sonra qucaqlaşıb hər şeyi unutdular".

Xatırladaq ki, bu günlərdə "Qarabağ"la "Ferentsvaroş" arasında Avstriyada keçirilən yoxlama görüşü 3:3 hesabı ilə yekunlaşıb.