“Rakuv”un baş məşqçisi “Qarabağ”dan danışdı

"Rakuv"un baş məşqçisi David Şvarqa Çempionlar Liqasının 2-ci təsnifat mərhələsindəki mümkün rəqibləri "Qarabağ" haqda danışb.

Futbolxeber.az saytının məlumatına görə, Polşa təmsilçisi ÇL-in 1-ci təsnifat mərhələsində "Flora" səddini keçəcəyi təqdirdə, növbəti mərhələdə "Qarabağ" - "Linkoln" cütünün qalibi ilə qarşılaşacaq.

D.Şvarqa "sportowefakty.wp.pl" saytına açıqlamasında deyib: “Qarabağ” elə komandadır ki, onları Polşada hamı çox yaxşı tanıyır. Onlar “Legiya”, “Lex”lə avrokubok matçlarında kimin daha yaxşı olduğunu göstərdilər. Bizi çətin "döyüş" gözləyir. Bu, öz şəxsiyyətimizi və prinsiplərimizi nümayiş etdirmək və sadəcə olaraq bu rəqibi məğlub etmək istədiyimiz faktını dəyişdirmir. Əlbəttə ki, bu matç reallaşsa... Çünki hazırda biz ancaq "Flora"dan danışmalıyıq. "Flora" Avropa yarışlarının qrup mərhələsində çıxış etmiş və bu səviyyənin öhdəsindən gəlmək təcrübəsi olan komandadır".

Futbolxeber.az-ın teleqram kanalına abunə olun