Türk menecerdən Sərgən Yalçının “Neftçi”yə keçəcəyinə dair açıqlama - “Düşünür...”

Türkiyəli menecer Hakan Qorxmaz Sərgən Yalçının “Neftçi”nin baş məşqçisi olacağı haqda yayılan xəbərlərə münasibət bildirib.

Futbolxeber.az saytının məlumatına görə, S.Yalçının dostu da olan H.Qorxmaz Azərbaycan və Türkiyə mətbuatında bununla bağlı yayılan xəbərlərdən sonra özünün tviter səhifəsində paylaşım edib:

“Sərgən Yalçın üçün ölkə daxili və xaricindən təkliflərin gəlməsi barədə xəbərlər doğrudur. Amma onun anlaşdığı barədə mətbuatda yazılanlar həqiqəti əks etdirmir. Sərgən hoca təklifləri dəyərləndirib doğru qərar vermək üçün düşünmə mərhələsindədir. Mətbuatda çıxan xəbərlərə etibar etməyin”.

Qeyd edək ki, daha öncə S.Yalçının “Neftçi” ilə razılığa gəldiyi və tezliklə müqavilə imzalayacağı deyilir.

Futbolxeber.az-ın teleqram kanalına abunə olun