"Millimizin qadağaya məruz qalması haqda deyilənlər doğru deyil" - AFFA-dan açıqlama

"17 yaşadək futbolçulardan ibarət Azərbaycan milli komandasının hər hansı qadağaya məruz qalması barədə məlumat həqiqəti əks etdirmir".

Futbolxeber.az saytına açıqlamasında bu sözləri AFFA-nın İnformasiya və İctimaiyyətlə Əlaqələr Departamentinin rəhbəri Firuz Abdulla deyib. 

Assosiasiya rəsmisi U-17 millimizin qadağaya məruz qalması haqda yayılan informasiyaya belə münasibət bildirib: 

"Bildiyiniz kimi, bir neçə ildir ki, UEFA-nın təşkilatçılığı ilə aşağı yaş qruplarından ibarət milli komandalar üçün İnkişaf turnirləri keçirilir. Həmin yarışların əsasnaməsinə görə, komandaların sifariş ərizəsinə daxil olan bütün futbolçular turnir ərzində minimum 90 dəqiqə meydanda olmalıdırlar. Azərbaycan U-17 millisinin iştirak etdiyi son UEFA İnkişaf turnirində məşqçilər tərəfindən texniki səhvə yol verilib və heyətdəki futbolçuların heç də hamısı 90 dəqiqə oynamayıb. Bununla əlaqədar UEFA-dan elektron poçt – e-mail – vasitəsilə AFFA-ya tövsiyə xarakterli xəbərdarlıq məktubu göndərilib və növbəti turnirlərdə əsasnamənin müvafiq bəndinə əməl olunmasının, heyətdəki bütün futbolçulara ən azı 90 dəqiqə oynamaq şansının verilməsinin vacibliyi vurğulanıb. Bir daha qeyd edirəm ki, heç bir milli komandamıza hər hansı turnirlə bağlı qadağa qoyulmayıb".

Futbolxeber.az-ın teleqram kanalına abunə olun