Vaqif Sadıqov: “Heyif ki, millimiz ilk 45 dəqiqəni boşa verdi”

“İki fərqli hissənin şahidi olduq. Heyif ki, ilk 45 dəqiqəni boşa verdik”.

Futbolxeber.az saytına açıqlamasında bu sözləri AFFA-nın vitse-prezidenti Vaqif Sadıqov milli komandamızın Avro-2024-ün seçmə mərhələsində Estoniyaya qarşı keçirdiyi oyun (1:1) barədə danışarkən deyib.

O, millimizin dünənki matçda buraxılan səhvlərdən nəticə çıxaracağına ümid etdiyini bildirib: “Fasilədən sonra millimiz xarakter nümayiş etdirdi, oyunu dəyişə bildi. Hesabı bərabərləşdirmək mümkün oldu. Millimiz ikinci qolu da vura bilərdi. Bunun üçün şansları da vardı. Təəssüf ki, komandamız ikinci dəfə rəqib qapısına yol tapa bilmədi. Dünənki matçda 2 xal itirsək də, inanırıq ki, milli komandamız bu oyunu dərindən təhlil edib, səhvlərdən nəticə çıxaracaq və gələcəkdə hər birimizi sevindirəcək”.

Fərəc ASLANOV

Futbolxeber.az-ın teleqram kanalına abunə olun