Tərlan Əhmədov “Kəpəz”də qalmaq istəyir

Tərlan Əhmədov növbəti mövsümdə də “Kəpəz”i çalışdırmaq istəyir.

Futbolxeber.az saytının məlumatına görə, Azərbaycan Premyer Liqasının 36-cı turunda “Qəbələ” ilə oyundan (1:1) sonra növbəti mövsümdə daha iddialı komanda qurmaq istədiyini bildirib:

“Fevral ayında Tovuzda demişdim ki, komandanı Premyer Liqada saxlayıb gedəcəm. O gündən bu yana təzyiqlərə, çatışmazlıqlara dözdüm. Üstəlik, Gəncədə azarkeşlərin çox hissəsi komandada qalmağımı istəyir. Həm də 9 ayda çəkilən əziyyətin hədər getməsini istəmirəm. Ona görə də bu yoldan çəkiləsi deyiləm. Rəhbərliklə söhbətimiz olacaq. Ümid edirəm ki, komandadakı işimi davam etdirəcəm. Çalıcağam ki, “Kəpəz” növbəti mövsümdə daha yaxşı çıxış etsin”.