“Onlara dedim ki, “Qəbələ” bizimlə sanki uşaq futbolu oynayır”

“Səbail”in baş məşqçisi Şahin Diniyev Azərbaycan Premyer Liqasının XXXII turu çərçivəsində “Qəbələ”yə qarşı keçirilən oyunun fasiləsində futbolçuları ilə sərt formada danışıb.

Futbolxeber.az saytının məlumatına görə, bu haqda təcrübəli mütəxəssis oyundan sonra keçirilən mətbuat konfransında deyib:

“Futbolçulara emosional şəkildə fikirlərimi çatdırdım. Bildirdim ki, “Qəbələ” bizimlə sanki uşaq futbolu oynayır, meydanda nə istəyirsə, onu da edir. Futbolda uduzmaq olar. Amma heç olmasa, meydanda mübarizə aparmaq lazımdı. Bir sözlə, futbolçularla çox sərt formada danışığım oldu, sonra isə onları tək buraxdım”.