Ehtiram Quliyevdən tovuzlu azarkeşlərə çağırış: “Yolumuz da, sevdamız da...”

"Turan Tovuz”un sponsoru “Huner Group”un rəhbəri Ehtiram Quliyev tovuzlu azarkeşlərə çağırış edib.

Futbolxeber.az saytının məlumatına görə, iş adamı feysbuk səhifəsində etdiyi paylaşımda “Turan Tovuz” fanatlarını aprelin 26-da “Neftçi” ilə Bakıda keçiriləcək Azərbaycan Kubokunun yarımfinal mərhələsinin cavab oyununa dəvət edib:

“Yolumuz da, sevdamız da, hətta komandamız da TURANDIR. Dostlar, hamınızı aprel 26-sı 20:00-da “Bakcell Arena”da Azərbaycan kubokunun yarımfinal oyununa “Turan”ı dəstəkləməyə dəvət edirəm. Qeyd edim ki, ilk oyun 1:0 “Turan”ın “Neftçi” üzərində qələbəsi ilə yekunlaşıb. Dəstək olaq və ev oyunlarında ən çox azarkeşi olan “Turan”ı qəriblikdə qoymayaq”.

Xatırladaq ki, ilk matçda "Turan Tovuz" öz meydanında 1:0 hesabıyla qələbə qazanıb. Cavab görüşü sabah “Bakcell Arena”da oynanılacaq.