"Neftçi" əvvəlki səviyyəsinə qayıtmadıqca, millidən danışmaq mənasızdır”

“Kəpəz”in baş məşqçisi Tərlan Əhmədov milli komandamızın çıxışı barədə danışıb.

Futbolxeber.az saytının məlumatına görə, Azərbaycan Premyer Liqasının 28-ci turunda “Səbail”i məğlub etdikləri oyundan (1:0) sonra keçirilən mətbuat konfrasından yığmamızın Avro-2024-ün seçmə mərhələsindəki uğursuz startına da tolxunub:

“Bizim zamanımızda şərait belə deyildi. 50 dollar maaş alırdıq, təlim-məşq toplanışımz olmurdu. Amma bu gün şərait fərqlidir. Əcnəbi fubolçuların milliləşdirilməsi məni çox məyus edir. Akademiyalarımıza diqqət göstərməliyik. Artıq görürəm ki, mənim illər əvvəl dediyim fikirləri indi digər məşqçilər deyirlər. Akademiyalara kənardan kurator gətirmək lazım deyil. Həmin kuratorlara milyonlar xərclənir. O pulun yarısına başqa ölkələrlə əməkdaşlıq etmək olardı. Heç bir klubda savadlı məşqçilər yoxdur. Bu gün nə "Neftçi"də, nə "Qarabağ"da milli səviyyəsində oyunçu yetişir. Millimiz legionerlər oyuna çıxıb məğlub olur. Elə onların əvəzinə öz gənclərimizə şans vermək yaxşıdır”.

T.Əhmədov millini əcnəbi mütəxəssisin çalışdırmasına da toxunub: “İllər əvvəl demişdim ki, klublar yüksək səviyyəyə qalxandan sonra milliyə əcnəbi məşqçi gətirmək olar. Öncə klubların səviyyəsini qaldırmalıyıq. Həmişə demişəm - "Neftçi" öz əvvəlki səviyyəsinə qayıdıb söz sahibi olmadıqca, millidən danışmaq mənasızdır”.