"Azərbaycana qalib gəlmək şansımız yüksəkdir”

İsveç millisinin futbolçusu Emil Forsberq Avro-2024-ün seçmə mərhələsinin ilk turunda Belçikaya 0:3 hesabı ilə uduzduqları oyundan sonra fikirlərini bildirib.

Futbolxeber.az saytının məlumatına görə, o, 2-ci turda qarşılaşacaqları Azərbaycana qalib gəlmək şanslarının yüksək olduğunu bildirib:

"Belçika ilə matçda yaxşı deyildim. Amma bazar ertəsi yeni oyun var və bundan sonra daha da yaxşı olacağımıza əmin olacağıq. Tezliklə yeni oyunumuzun olması yaxşıdır. Azəraycanla oyunda qalib gəlməliyik. Bu görüşdə nəyi təkmilləşdirməli olduğumuzu daha yaxşı görəcəyik. Müəyyən vəziyyətlərdə bir az daha aqressiv və cəsarətli olmalıyıq. Bunu etsək, düşünürəm ki, Azərbaycana qalib gəlmək şansımız yüksəkdir”.

Xatırladaq ki, Avro-2024-ün 2-ci turunun İsveç - Azərbaycan matçı martın 27-i, Bakı vaxtı ilə saat 23:45-də başlanacaq.