U-17 millimiz Qazaxıstana qalib gəldi

17 yaşadək qadın futbolçulardan ibarət Azərbaycan milli komandası Avropa çempionatının seçmə mərhələsində bu gün ilk oyununu keçirib.

Futbolxeber.az saytının məlumatına görə, yığmamız Bosniya və Herseqovinada keçirəcək oyunda Qazaxıstan yığması ilə qarşılaşıb. Görüş millimizin 2:0 hesablı qələbəsi ilə başa çatıb.

Yığmamızın yer aldığı qrupun digər oyununda Bosniya və Herseqovina Monteneqro üzərində 4:2 hesablı qələbəyə sevinib.

U-17, qadınlar arasında Avropa çempionatı

Seçmə mərhələ, 1-ci tur

B qrupu

22 mart

Azərbaycan - Qazaxıstan - 2:0

Qollar: Ayşən Salamzadə, 17-pen; Aydan Həsənova, 80

Baş hakim: Viki De Cremer (Belçika)

Novi Gradski stadionu (Ugljevik)

Bosniya və Herseqovina - Monteneqro - 4:2