"İki il əvvəl mənə Azərbaycana gedəcəyimi desəydilər, onların dəli olduğunu söyləyərdim"

"Sumqayıt"dan ayrılaraq Portuqaliyanın "Belenenseş" klubuna keçən Filipe Çabi Azərbaycan təmsilçisi ilə vidalaşıb.

Futbolxeber.az saytının məlumatına görə, portuqaliyalı yarımmüdafiəçi instaqram hesabında etdiyi paylaşımda yazıb:

"Bu, əsl macəra idi. İki il əvvəl mənə Azərbaycana gedəcəyimi desəydilər, onların dəli olduğunu söyləyərdim. Amma həqiqət budur ki, həyatda şərtlər həmişə dəyişir. Yaxşı təcrübə qazandım. Mənə çox şey təklif edən fantastik ölkəni, əla şəraiti olan klubu və məni mümkün qədər rahat hiss etmək üçün hər şeyi edən inanılmaz insanları kəşf etdim. Mənə Portuqaliyadan kənarda təcrübə qazanmaq şansı verən, bu cür komandanın bir hissəsi olmaq imkanı yaratdığı üçün klub prezidentinə təşəkkür edirəm. Lakin hər şeydən əvvəl "Sumqayıt"da xoşbəxt anlar üçün təşəkkürümü bildirirəm. Ancaq indi vidalaşmaq və yeni bir macəraya başlamaq vaxtıdır. Təşəkkür edirəm, “Sumqayıt".