“Qəbələ” "Teplitse"yə məğlub oldu

Mövsümün ikinci yarısının hazırlığını Türkiyədə davam etdirən “Qəbələ” bu gün növbəti yoxlama oyununu keçirib.

Futbolxeber.az saytının məlumatına görə, “qırmızı-qaralar” yanvarın 4-də başlayan Antalya təlim-məşq toplanışı çərçivəsində üçüncü sınağına çıxıb. Qardaş ölkədəki son qarşılaşmada rəqib Çexiya təmsilçisi “Teplitse” olub. Görüş çexlərin 2:1 hesablı qələbəsi ilə yekunlaşıb. Təmsilçimizin yeganə qolunu Raman Maçado vurub.

Xatırladaq ki, “Qəbələ” bunadək Antalyada iki yoxlama görüşü keçirib. Komanda yanvarın 12-də Rumıniyanın “Sepsi” (2:2), 14-də Almaniyanın “Lukenvalde” (3:2) klubu ilə üz-üzə gəlib.