“İnkişaf etmək üçün “Qarabağ” kimi rəqiblərə qarşı oynamalıyıq”

“Şamaxı”nın baş məşqçisi Vüqar Əsgərli Azərbaycan Premyer Liqasının XII turunda “Qarabağ”a 0:4 hesabı ilə uduzduqları barədə danışıb.

Futbolxeber.az saytının məlumatına görə, o, rəqibə yalnız 1 hissədə müqavimət göstərə bildiklərini vurğulayıb:

“Qarabağ”a qarşı oyunların üstünlüyü var. Belə ki, bu komanda bizi Avropada layiqli təmsil edir. Güclü komandaya qarşı oynayırsan. Matça gəldikdə isə iki fərqli hissə izlədik. Birinci hissədə yaxşı müdafiə olunsaq da, fasilədən sonra futbolçuların fərdi keyfiyyəti öz sözünü dedi. İkinci hissədə ani diqqətsizlik qapımızda qol görməyimizlə nəticələndi. İnkişaf etmək üçün bu cür rəqiblərə qarşı oynamalıyıq. Önümüzə baxırıq. İnanram ki, qarşıdakı matçlarda daha yaxşı nəticələr göstərə bilərik. Məğlubiyyətə baxmayaraq, futbolçulara təşəkkür edirəm. Başa düşürəm ki, “Qarabağ”a qarşı oynamaq çətindi. Sonluqda qollar buraxırıq. Halbuki bu səhvləri etməməliyik. Diqqətsizlik qapımıza qollarla nəticələnir. Azarkeşlərə də verdikləri dəstəyə görə minnətdaram”.

- Rəhbərlik bildirib ki, mövsümün sonuna qədər legioner transfer etməyəcəksiz. Buna görə mövsümün yekununda sonuncu olmaq qorxusu var?

- Rəhbərliklə bu barıdə müzakirə aparanda həm bizim, həm də onların istəyi o oldu ki legioner ttransfer ertməyək. Bu gün 4-5 legioner gətirsək, bu, eyni azərbaycanlı futbolçunun kənarda qalması deməkdi.

- Bəzi gənc futbolçular daha çox oyun praktikası qazanmaq, inkişaf etmək üçün “Şamaxı”ya gəliblər. Onların arasında kimləri fərqləndirərdiz?

- Heyətimizdəki gənclərin hamısı oyundan oyuna inkişaf edir. Növbəti mövsüm üçün onlar hətta iddialı klublara belə transfer oluna bilərlər.

- Qeyd etdiz ki, komandanız sonda səhvlərə yol verir komandanız qapısında qollar görür. Buna səbəb nədi?

- Səbəb təcrübəsizlikdi. Bunu məşqlə qaydasına salmaq mümkün deyil. Fərdi keyfiyyəti artırmaq üçün daha çox oynamalıdılar. Bizim futbolçuların əksəri buna qədər Premyer Liqa həyəcanı yaşamayıblar. Biz də onlara şans veririk.

- Autsayder komandanı necə motivasiya edirsiz?

- Oyundan əvvəl də, sonra da futbolçulara bildiririk Premyer Liqada olmağımız məşqçilər üçün də, futbolçular üçün də motivasiyadı. Bizə bu şans verilibsə, bundan yararlanmalıyıq. Önümüzdə böyük marafon var. İrəli baxmalıyıq.

- Qeyd etdiniz ki, 4 legioner götürsək, 4 azərbaycanlı futbolçu kənarda qalacaq. Amma mövsümün yekununda sonuncu olsanız, komanda Premyer Liqanı tərk edəcək və belədə 20 futbolçu kənarda qalacaq...

- Niyə belə düşünək? Neqativ yox, pozitiv fikirləşmək lazımdı. Göstərdiyimiz oyunla sonuncu yerə layiq deyilik. İkinci dövrədə yaxşı hazırlıq keçib qələbələr qazanacağımıza inanıram.

- Hansı komandanı “Şamaxı”dan aşağıda görürsünüz?

- Bunu demək çətindi. Biz öz oyunumuza baxırıq. Xal və xallar yığıb turnir cədvəlində irəliləməliyik.