“Sumqayıt” 45 dəqiqəyə 2 legionerini itirdi

Azərbaycan Premyer Liqasının 12-ci turunda səfərdə "Turan Tovuz"la qarşılaşan “Sumqayıt” ciddi itkilərlə üzləşib.

Futbolxeber.az saytının məlumatına görə, ilk 45 dəqiqədə Samir Abasovun komandası 2 legionerinin xidmətindən məhrum olub.

Əvvəlcə matçın əvvəlində Alya Ture zədələnib. Həkimlər 2 dəfə qvineyalı yarımmüdafiəçiyə meydanda tibbi yardım göstərsələr də, o, 20-ci dəqiqədə  Rüfət Abdullazadə ilə əvəzlənməli olub.

İlk yarının sonuna yaxın isə Todor Todoroski xəsarət alıb. Şimali makedoniyalı müdafiəçi oyunu davam etdirsə də, fasilədə də o da əvəzlənib. Todorskinin əvəzinə 46-cı dəqiqədə meydana Damian Daniçiç daxil olub.

Qeyd edək ki, hazırda ikinci hissəsi gedən “Turan Tovuz” - “Sumqayıt” qarşılaşmasında hesab açılmayıb.