Orxan Məmmədov: "Qarabağ"a eşq olsun!"

"Zirə" klubunun Müşahidə Şurasının sədri Orxan Məmmədov tviter hesabında “Qarabağ”ın UEFA Çempionlar Liqasındakı çıxışı barədə yazıb. 

Futbolxeber.az saytının məlumatına görə, O.Məmmədov "Viktoriya"ya 1:2 hesablı məğlubiyyətə baxmayaraq, "Qarabağ"a təşəkkür edib:

"Son nəfəsinə qədər və bütün gücünü meydanda qoyaraq mübarizə aparan "Qarabağ"a eşq olsun! Bizlərə yenidən Avropa Liqası həyəcanını yaşadacağına görə bu böyük kluba - "Qarabağ"a təşəkkür edirik! Böyük Hocaya və əsl vətənsevər igidlərə eşq olsun!"

Xatırladaq ki, Bakıdakı qolsuz heç-heçədən sonra cavab görüşündə "Viktoriya"ya uduzan "Qarabağ" Çempionlar Liqasında mübarizəni dayandırıb. Ağdam təmsilçisi çıxışını Avropa Liqasının qrup mərhələsində davam etdirəcək.