“Sabah” Bolqarıstandakı 3-cü oyununda da uduzdu

Bolqarıstanın Bansko şəhərində təlim-məşq toplanışını davam etdirən “Sabah” hazırlıq çərçivəsində bu gün sonuncu yoxlama oyununa çıxıb.

Futbolxeber.az saytının məlumatına görə, təmsilçimiz Kiprin yüksək liqa klubu “Nea Salamina” klubu ilə qarşılaşıb. 

Görüş “Sabah”ın 1:2 hesablı yenilgisi ilə başa çatıb. Yeganə qolu Bəxtiyar Həsənalızadə vurub. 

Bununla da "Sabah" hazırlıq prosesi çərçivəsində keçirdiyi hər 3 oyunda meydanı məğlub tərk edib. Buna qədər Murad Musayevin komandası İsrailin “Hapoel Hadera” (0:1) və Kiprin “Akritas Xlorakas” (2:3) klublarına da uduzmuşdu.