Kondratyev: "Azərbaycan millisi şanslardan istifadə etdi"

“Hər iki komandanın şansı var idi. Sadəcə, qollar vura bilmirik”.

Futbolxeber.az saytının məlumatına görə, bu sözləri Belarus millisinin baş məşqçisi Georgi Kondratyev Millətlər Liqasının qrup mərhələsinin 4-cü turunda Azərbaycana 0:2 hesabı ilə uduzduqları matçdan sonra keçirilən mətbuat konfrasında deyib. 

O, əvvəlcə oyunla bağlı fikirlərini bölüşüb: "Keçmiş hücumçu kimi bu epizodlara baxanda heyrətə gəlirəm. Rəqib şanslardan istifadə etdi. Matçda hücumçu baxımından problem yaşadıq. Onları qələbə münasibəti ilə təbrik edirəm. Komandaların səviyyəsi oyun keyfiyyəti baxımından bərabərdir. Rəqibi yaxşı analiz etmişdik. Hətta Mahir Emrelinin sol ayağının üstün olduğunu bilirdik. Sadəcə, həmin epizodda sonadək oynaya bilmədik. Azərbaycan sürətli və qısa ötürmələrlə çıxış edir".