"Azərbaycan və Qazaxıstan yığmalarının fərqi ondan ibarətdir ki..."

"Azərbaycan və Qazaxıstan yığmalarının fərqi ondan ibarətdir ki, azərbaycanlılar daha çox topla oynamağa çalışır. Onların cəld, sürətli və texnikalı oyunçuları var".

Futbolxeber.az saytının məlumatına görə, bu sözləri Belarus millisinin üzvü Roman Bequnov Millətlər Liqasının 4-cü turunda bu gün Azərbaycan millisi ilə keçiriləcək oyun haqda danışarkən deyib.

Müdafiəçi yığmamıza qarşı aqresiv oynamaq lazım olduğunu bildiriv: "Qazaxıstanla oyunda qol epizodlarımız var idi, sadəcə ikinci qolumuz çatışmadı. Qapıçı bizi kritik anlarda xilas etdi. Təəssüf ki, hələ də bəxtimiz və bacarığımız çatışmır. Azərbaycana qarşı daha kompakt və aqressiv oynamalı olacağıq. Onlara boş zona çox verməməliyik. Təbii ki, daha sürətli olmalıyıq".

Qeyd edək ki, "Dalğa Arena"da keçiriləcək Azərbaycan - Belarus matçı saat 20:00-da başlayacaq.