U-20 yığmamız Özbəkistana qalib gəldi

Bakıda təlim-məşq toplanışında olan 20 yaşadək futbolçulardan ibarət Azərbaycan milli komandası hazırlıq çərçivəsində ilk yoldaşlıq oyununu keçirib. 

Futbolxeber.az saytının məlumatına görə, Bakı Olimpiya Stadionunun ehtiyat meydançasında Özbəkistanın müvafiq yaş qrupundan ibarət komandası ilə qarşılaşan millimiz 3:2 hesablı qələbə qazanıb. 

U-20-in hər üç qolunu biri penaltidən olmaqla Camal Cəfərov vurub. Bu komandalar arasında növbəti oyun iyunun 7-də keçiriləcək.