Cavid Hüseynov: "Bu gün uğur bizim tərəfimizdə idi"

"Son dəqiqələrdə qapımıza penalti təyin olundu. Düşünürəm ki, bu gün uğur bizim tərəfimizdə idi. Rəqibimiz güclü idi. Xüsusilə hücum xəttində sürətli və fərdi keyfiyyətləri yüksək olan futbolçuları var. Əsas tapşırıq oyun nizam-intizamını qorumaq idi. Çünki matçın 90 və ya 120 dəqiqə davam edəcəyini bilmirdik".

Futbolxeber.az saytının məlumatına görə, bu sözləri "Cəbrayıl"ın prezidenti və baş məşqçisi Cavid Hüseynov Region Liqasının finalında "Xan-Lənkəran"a 1:0 hesabı ilə qalib gəldikləri oyundan sonra "CBC Sport"a açıqlamasında deyib.

O, hələlik UEFA Region Kuboku barədə düşünmədiklərini bildirib: "İndi nəsə danışmaq çox tezdir. Çünki planlar bəlli deyil. Bilirik ki, rəqibimiz Belarus komandası olacaq. Oyunların nə zaman keçiriləcəyi və ölkəmizdə olacağını bilirik".