“Neftçi”nin yeni transferi artıq Bakıdadı

“Neftçi” Hayfa “Makkabi”sinin hücumçusu Nikita Rukavitsanın transferini yekunlaşdırır.

Futbolxeber.az saytının əldə etdiyi məlumata görə, 34 yaşlı hücumçu artıq dünəndən Bakıdadı. O, paytaxtımız və “Neftçi”nin bazası ilə tanış olub.

Təcrübəli futbolçu artıq bu gün Bakıda məskunlaşmaq üçün evlərə baxacaq. 

Böyük ehtimalla, qarşıdakı saatlarda Avstraliya millisinin hücumçusu ilə rəsmi müqavilə imzalanacaq.

Qeyd edək ki, Rukavitsa karyerası ərzində ölkəsində “Pert”, “Vestern Sidney”, Niderlandda “Tvente”, Almaniyada “Herta”, “Maynts”, İsraildə “Beytar” və “Makkabi” kimi klublarda çıxış edib. 2016-cı ildən çıxış etdiyi Hayfa təmsilçisində 142 oyuna 61 qol vuran forvard, Avstraliya millisində 18 matçda 1 dəfə fərqlənib.