Mahirin qolları “Legiya”nı qrup mərhələsinə daşıdı

Millimizin futbolçusu Mahir Emrelinin şərəfini qoruduğu "Legiya" Avropa Liqasının pley-off mərhələsində cavab oyununa çıxıb.

Futbolxeber.az saytının məlumatına görə, Polşa təmsilçisi evdə Çexiya "Slaviya"sı ilə qarşılaşıb. Matç meydan sahiblərinin 2:1 hesablı qələbəsi ilə başa çatıb. "Legiya"nın hər iki qolunun müəllifi Mahir Emreli olub. O, 59 və 70-ci dəqiqələrdə fərqlənib. Millimizin üzvü start heyətdə meydana daxil olub və 80-ci dəqiqədə əvəzlənib.

Bu qələbə ilə Varşava klubu Avroliqanın qrup mərhələsinə yüksəlib.

Qeyd edək ki, Emreli bu komandalar arasında 2:2 hesabı ilə başa çatan ilk görüşdə də komandasının ilk qolunu vurmuşdu.