“Neftçi” - “Dinamo” oyunu moldovalılara tapşırıldı

UEFA Çempionlar Liqasının I təsnifat mərhələsində iyulun 14-ü keçiriləcək “Neftçi” - “Dinamo” (Tbilisi) matçının təyinatları açıqlanıb.

Futbolxeber.az saytının məlumatına görə, oyuna Moldovadan olan hakimlər təyinat alıblar.

Baş hakim Dumitru Muntean olacaq. Ona Vlad Lifsiu və Vadim Vikol kömək edəcəklər. Dördüncü hakim funksiyasını Qabriel Tupisika yerinə yetirəcək.UEFA nümayəndəsi Siprian Paraskiv (Rumıniya), hakim-inspektor isə Aleksandr Qvardis (Rusiya) olacaq.

Qeyd edək ki, “Bakcell Arena”da oynanılacaq qarşılaşma saat 21:00-da start götürəcək.

Bu komandalar arasında ilk oyun iyulun 7-si Boris Payçadze adına “Dinamo Arena”da baş tutacaq və Bakı vaxtı ilə saat 20:00-da başlanacaq.