Ayxan Abbasov: “Meydanın hər qarışı uğrunda yaxşı mübarizə getdi”

“Sumqayıt”ın baş məşqçisi Ayxan Abbasov “Keçiörengücü” ilə yoxlama görüşündən sonra oyunla bağlı fikirlərini bildirib.

Futbolxeber.az saytının məlumatına görə, Abbasov 1:2 hesablı yenilgini belə şərh edib:

“İyulun 2-də başladığımız Türkiyə toplanışında bu gün ilk yoxlama oyunumuzu keçirdik. Ümumilikdə götürsək, iki fərqli hissə izlədik. 90 dəqiqədə bütün futbolçularımın hazırlıq səviyyələrini görmək istəyirdim. Uşaqlar yorğun olmaqlarına baxmayaraq, meydanın hər qarışı uğrunda yaxşı mübarizə getdi. Səhvlərimiz var, çalışacağıq ki, növbəti oyunlarda həmin səhvləri aradan qaldıraq və toplanışın sonunda tam hazır vəziyyətdə Sumqayıta qayıdaq”.