Vüqar ehtiyatda qaldı, komandası büdrədi

Gürcüstan çempionatında 21-ci turun oyunları keçirilib.

Futbolxeber.az saytının məlumatına görə, həmyerlimiz Vüqar Bəybalayevin formasını geydiyi “Telavi” öz meydanında “Samqurali”ni qəbul edib.

Bəybalayevin sona kimi ehtiyatda qaldığı görüş 1:1 hesabı ilə yekunlaşıb. Bununla da komandanın ardıcıl 3 qələbə seriyası qırılıb. Həmyerlimizin komandası 54-cü dəqiqədə hesabı açsa da, sona 4 dəqiqə qalmış penaltidən vurulan qolla qələbəni əldən verib.

Qeyd edək ki, 21 turdan sonra 19 xala malik “Telavi” 10 komanda arasında 9-cu pillədə qərarlaşıb.