Zirədə qalib aşkarlanmadı, "Sabah" "Qarabağ"la bacarmadı

Azərbaycan Premyer Liqasında 26-cı tura bu gün yekun vurulub.

Futbolxeber.az saytının məlumatına görə, son oyun günündə daha 2 qarşılaşma keçirilib.

Bürünc medallar uğrunda mübarizə aparan “Zirə” “Qəbələ”ni sınağa çəkib  90 dəqiqə ərzində qapılara qol vurulmayıb.

Turun son matçında isə dünən “Neftçi”nin qələbəsindən sonra turnir cədvəlində ikinci pilləyə yuvarlanan “Qarabağ” “Sabah”ın qonağı olub. İlk hissədə rəqib qapısından 4 qol keçirən Ağdam klubu yenidən birinci pilləyə qalxıb.

Azərbaycan Premyer Liqası

XXVI tur

9 may (bazar)

“Sabah” - “Qarabağ” 0:4

Qollar: Abdullah Zubir, 28, Mahir Emreli, 32, Xayme Romero, 40, Maksim Medvedev, 45+3-pen.

Hakimlər: Rauf Cabarov, Namiq Hüseynov, Nahid Əliyev, Rauf Allahverdiyev

“Bank Respublika Arena”.

“Zirə” - “Qəbələ” 0:0 

Hakimlər: Əliyar Ağayev, Akif Əmirəli, Zeynal Zeynalov, Rövşən Rəcəbov

Zirə İdman Kompleksinin stadionu

8 may

“Keşlə” - “Sumqayıt” 0:1

“Səbail” - “Neftçi” 0:4

Bombardirlər: Namik Ələskərov ("Neftçi") - 19 qol, Mahir Emreli ("Qarabağ") - 16 qol, Filip Ozobiç ("Qarabağ") - 11 qol, Əli Qurbani ("Sumqayıt") - 9 qol, Davit Volkov ("Zirə"), Rəhim Sadıxov ("Sumqayıt") - 8 qol