AFFA “Neftçi” və “Sabah”ın müraciətinə baxdl

AFFA Apellyasiya Arbitraj Tribunalının qərarları açıqlanıb.

Futbolxeber.az-ın assosiasiyanın rəsmi saytına istinadən verdiyi məlumata görə, qərarlar aşağıdakılardır:

“Sabah” Futbol Klubu

1. “Sabah” Futbol Klubu tərəfindən verilmiş apellyasiya şikayəti qismən təmin edilsin.

2. AFFA İntizam Komitəsinin 27.04.2021-ci ildə qəbul etdiyi qərarla Təmkin Xəlilzadəyə verilən 4 oyun kənarlaşdırılma cəzası 2 oyun kənarlaşdırılma və 2 şərti oyun cəzası ilə əvəz edilsin.

3. AFFA İntizam Komitəsinin 27.04.2021-ci ildə qəbul etdiyi qərarla müəyyənləşdirdiyi digər cəza və cərimələr qüvvədə saxlanılsın.

4. İntizam Komitəsinin 05.05.2021-ci ildə Miloş Jevtiçlə bağlı qəbul etdiyi 5 oyunluq kənarlaşdırma cəzası və 4000 manat cərimə qüvvədə saxlanılsın.

5. Qərarın tam forması 30 (otuz) gün ərzində hazırlanaraq tərəflərə göndərilsin.

“Neftçi” Peşəkar Futbol Klubu

1. “Neftçi” Peşəkar Futbol Klubu tərəfindən verilmiş apellyasiya şikayəti təmin edilməsin.

2. AFFA İntizam Komitəsinin 27.04.2021-ci ildə Samir Abbasovla bağlı qəbul etdiyi qərara yenidən baxılması üçün bu qərar İntizam Komitəsinə göndərilsin.

3. Qərarın tam forması 30 (otuz) gün ərzində hazırlanaraq tərəflərə göndərilsin.