“Neftçi” U-21 millimizə qalib gəldi

Premyer Liqada yaranan fasilədən istifadə edən "Neftçi" bu gün yoxlama oyunu keçirib.

Futbolxeber.az saytının məlumatına görə, "ağ-qaralar" U-21 millimizlə qarşılaşıb. Görüş "Neftçi"nin qələbəsi ilə yekunlaşıb - 3:1.

Paytaxt təmsilçisinin qollarını Mirabdulla Abbasov, Keysuke Honda və Sabir Buqrin vurublar. U-21-in yeganə qoluna isə Musa Qurbanlı imza atıb.

Qeyd edək ki, Bakıda təlim-məşq toplanışında olan gənclər yığmamız bundan əvvəl keçirdiyi yoxlama görüşündə "Qarabağ"a 4:2 hesabı ilə qalib gəlib.