Namik Ələskərov: “Nəticə qazanmaq üçün var gücümüzü ortaya qoyacağıq”

“Portuqaliya futbol ölkəsidir. Heyətində top klubların formasını geyinən ulduz futbolçular var. Onlara qarşı oynamaq tək bizim üçün yox, bir çox komandalar üçün çətindir”.

Futbolxeber.az saytının məlumatına görə, bu sözləri millimizin üzvü Namik Ələskərov deyib.

DÇ-2022-nin seçmə mərhələsində Portuqaliyaya qarşı keçiriləcək oyun haqda danışan “Neftçi”nin futbolçusu yaxşı mübarizə aparmaq üçün əllərindən gələni edəcəklərini bildirib:

“Təqvimdən şikayətlənməyə əsasımız yoxdur. İstənilən halda, qrupumuzda yer alan bütün komandalara qarşı oynayacağıq. Bizi çox çətin oyun gözləyir. Komanda bir neçə gündür birlikdə hazırlıq keçir. Əlimizdən gələni edəcəyik ki, yaxşı mübarizə aparaq. Bizə dəstək olan, güvənən insanlar inansın ki, komanda olaraq yaxşı nəticə qazanmaq üçün var gücümüzü ortaya qoyacağıq”.