Qəhrəman Əliyev Masallıda xəstəxanaya yerləşdirildi

Koronavirusa yoluxan təcrübəli məşqçi Qəhrəman Əliyev yenidən xəstəxanaya yerləşdirilib.

Futbolxeber.az saytının məlumatına görə, bu barədə "Report"a Futbol Veteranları İttifaqının sədri Oqtay Abdullayev açıqlama verib.

Onun sözlərinə görə, 61 yaşlı mütəxəssis Masallıda özəl klinikaya yerləşdirilib: "Qəhrəman Əliyevin vəziyyəti stabil-ağırdır. Demək olmaz ki, yaxşıdır. Mən Futbol Veteranları İttifaqının sədri olaraq AFFA-ya maddi dəstək üçün müraciət etmək qərarına gəldim. Bu gün həmin məktubu assosiasiyaya çatdıracağam".

Qeyd edək ki, Qəhrəman Əliyev daha əvvəl Bakıda müalicə olunurdu. O, "Viləş" (Masallı), "Şəmkir" komandalarında baş məşqçi, "Bakı" klubunda isə köməkçi məşqçi vəzifəsində çalışıb.