“Neftçi” və “Zirə”dən qələbə

Bu gün Azərbaycan Premyer Liqasında 10-cu turun daha 2 görüşü keçirilib.

Futbolxeber.az saytının məlumatına görə, günün ilk oyununda "Qəbələ" doğma meydanda "Neftçi"ni qəbul edib. Bu, Samir Abasov paytaxt klubunun baş məşqçisi kimi debüt qarşılaşması idi. Abasovun debütu uğurlu alınıb. "Neftçi" çətin səfərdən böyekhesablı qələbə ilə qayıdıb. Bu matçda həm də "ağ-qaralar"ın hücumçusu Prins İbara yeni klubunda qol hesabını açıb.

Günün digər matçında isə "Keşlə" "Zirə""nnin qonağı olub. Rəşad Sadıqovun komandası ilk dövrədə olduğu kimi, yenə də "Keşlə" ilə matçda 3 xalı 3 qolla qazanıb.

Qeyd edək ki, tura sabah yekun vurulacaq.

Azərbaycan Premyer Liqası

X tur

22 noyabr

“Qəbələ” - “Neftçi” 1:4

Qollar: Anton Krivotsyuk, 38 (0:1); 51 (0:2), Namiq Ələsgərov, 57 (0:3), Fərid Nəbiyev, 60 (1:3), Prins İbara, 90+3 (1:4)   

Hakimlər: Rəvan Həmzəzadə, Cəmil Quliyev, Müslüm Əliyev, Namiq Bəkirov

Qəbələ şəhər stadionu

“Zirə” - “Keşlə” 3:1

Qollar: Dmitrios Çantakias, 33 (1:0), Ağabala Ramazanov, 60 (2:0), Klesio Bauk, 72-avtoqol (2:1), Klesio Bauk, 90+4 (3:1)

Hakimlər: Əliyar Ağayev, Zeynal Zeynalov, Akif Əmirəli, Elçin Məsiyev

Zirə İdman Kompleksinin stadionu

23 noyabr

16:00. “Sabah” - “Səbail”

21 noyabr

16:00. "Qarabağ" - "Sumqayıt" 6:1 

Bombardirlər: Əli Qurbani ("Sumqayıt"), Filip Ozobiç ("Qarabağ"), Mahir Emreli ("Qarabağ"), Namiq Ələsgərov ("Neftçi") - 6 qol