“Neftçi” - “Qəbələ”: 53-cü duel

Azərbaycan Premyer Liqasında IV turun son günündə meydana çıxacaq “Qəbələ” “Neftçi” ilə qarşılaşacaq.

Futbolxeber.az saytının məlumatına görə, sentyabrın 27-də keçiriləcək görüş “Dalğa Arena”da baş tutacaq.

Bakıdakı matç rəqiblərin 53-cü dueli olacaq. Bu dəfəki görüşə qədər iki komanda arasında 52 oyun keçirilib. İndiyədək 17 qələbə qazanan “qırmızı-qaralar” 12 dəfə heç-heçə edib və 23 matçdan məğlub ayrılıb. Rəqib qapısından 65 top keçirən “Qəbələ” qapısında 73 qol görüb.

Premyer Liqa çərçivəsində 48-ci duelə qədər rəqiblər 47 çempionat matçında qarşılaşıb. “Qəbələ” 16 dəfə qalib gəlibsə, 9 dəfə 1 xalla kifayətlənib və 22 dəfə uduzub. 58 qola imza atan komanda 67 top buraxıb.

26-cı dəfə “Neftçi”nin qonağı olacaq “Qəbələ” səfərdə 9 dəfə qalib gəlib. 6 heç-heçə edən meydan sahibləri 10 dəfə məğlubiyyətlə barışıb. Bu matçlarda 30 dəfə fərqlənən “Qəbələ” futbolçuları 36 qol buraxıb (gabalafc.az).