Hakimlərimiz FİFA fitness testindən keçdilər

Bu gün Bakı Olimpiya Stadionunda Azərbaycan Premyer Liqasının oyunlarına təyinat alan hakimlər FİFA fitnes testi veriblər.

Futbolxeber.az-ın AFFA-nın rəsmi saytına istinadən verdiyi məlumata görə, oyunlara dördüncü hakim kimi təyinat alan referilərin də qatıldığı testləri Hakimlər Komitəsinin sədri Frits Ştuxlik və fiziki hazırlıq üzrə məşqçi Namiq Quliyev götürüb.

Test iki hissədən ibarətdir:

Test-1 (təkrar sprint bacarığı): maksimum 6 x 40 m. 6.0 saniyə

Test-2 (məsafə testi): 75 m / 25 m (15 san / 18 saniyə) - 10 dövr

Qeyd edək ki, sabah Premyer Liqaya təyinat alan köməkçi hakimlər aşağıdakı normativlər üzrə test verəcəklər:

Test-1 (CODA),

Test-2 (təkrar sprint bacarığı)

Test-3 (Məsafə testi)