De Byazi “Sabah” - “Qəbələ” oyunundan danışdı: “Futbolçuların çox istəkli olmalarına şahidlik etdim”

Milli komandamızın baş məşqçisi Canni De Byazi dünən “Sabah” və “Qəbələ” arasında keçirilən yoxlama oyununu izləyib.

Futbolxeber.az saytının məlumatına görə, 1news.az-a açıqlamasında italiyalı mütəxəssis futbolçuların istəkli olmalarını qeyd edib:  

“Maraqlı məqamlara - o cümlədən də, futbolçuların çox istəkli olmalarına şahidlik etdim. Lakin hələlik nəyisə şərh etmək üçün çox erkəndir. Peşəkar fəaliyyətim dövründə qısa zaman kəsiyində nəticə çıxarmamağa öyrənmişəm. Bu gün də “Sabah” - “Qarabağ” oyununu izləyəcəyəm”.