Açılışında dövlət başçısının iştirak etdiyi “Bakı”nın bazasının keçmiş və indiki halı

“Bakı” Futbol Klubunun bazasında aparılan söküntü işləri artıq yekunlaşmaq üzrədi. Sanki belə də olmalı idi. Artıq nə Qafqazda analoqu olmayan bazadan əsər-əlamət var, nə də son 10 ildə Azərbaycanın müxtəlif yaş qrupları üzrə milli komandalarını ən çox futbolçu ilə təmin edən “Bakı”nın akademiyasından...

Bazanın son halı futbolsevərlərin ürəyini ağrıdır. İnanmaq olmur ki, yaxın keçmiş bu bazada Portuqaliya, Türkiyə milliləri, “Atletiko” məşq edirdi. Kriştianu Ronaldo, Arda Turan kimi ulduzlar məhz bu bazada məşqə çıxırdılar.

Ən əsası isə inanmaq olmur ki, bu, 2011-ci il sentyabrın 8-də dövlət başçısı cənab İlham Əliyevin açılışında iştirak etdiyi bazanın indiki halıdır.