“Kəpəz” futbolçularının şərikli rekordu

Azərbaycan çempionatları tarixində bir futbolçunun eyni oyunda vurduğu qol sayında rekord 7-yə bərabərdir.

Futbolxeber.az-ın PFL-in rəsmi saytına istinadən verdiyi məlumata görə, bu göstəriciyə ilk dəfə Fazil Pərvərov imza atıb.

“Kəpəz”in futbolçusu 27 il əvvəl bir matçda 7 dəfə fərqlənib. Onun rekordu təxminən 3 il sonra təkrarlanıb. Gəncə klubunun daha bir üzvü Rövşən Əhmədov eyni uğuru gerçəkləşdirib. Ölkə çempionatlarının 28 illik tarixində 5-dən çox qol vuran 3-cü və hələlik sonuncu futbolçu Alay Bəhramovdur. “Viləş”in bombardiri 21 il əvvəlki uğuru zamanı “Kəpəz”in futbolçuları qədər - 7 qol vura bilməsə də, 6 topla çempionatın ən məhsuldar heç-heçəsində pay sahibi olub.

Bir oyunda 5-dən artıq qol vuran futbolçular

7 qol - Fazil Pərvərov (1993/94 mövsümü)

24.10.1993. “Kəpəz” - “Avtomobilçi” (Yevlax) 8:0

7 qol - Rövşən Əhmədov (1996/97 mövsümü)

23.11.1996. “Kəpəz” - “Şəmkir” 14:2

6 qol - Alay Bəhramov (1998/99 mövsümü)

25.04.1999. “Viləş” - “Turan” 6:6