“Zirə”: 28 illik tarixin 22-cisi

“Zirə” 2015-ci ildən çıxış etdiyi Azərbaycan Premyer Liqasında ümumilikdə 199 xal toplayıb.

Futbolxeber.az saytının klubun Feysbuk səhifəsinə istinadən verdiyi məlumata görə, 140 matça çıxan qəsəbə təmsilçisi 200-cü xalının bir addımlığındadır. 53 qələbə, 40 heç-heçə və 47 məğlubiyyəti olan “qartallar” ölkə çempionatlarının 28 illik tarixinin 22-ci komandasıdır. “Zirə”ni 21-ci olan “Xəzri”dən 4, ilk “20-liy”i qapayan “Şəfa”dan 6 xal ayırır.