“Qarabağ” Qana millisinin hücumçusunu transfer edir?

“Qarabağ”ın transfer etmək istədiyi əcnəbi futbolçulardan birinin adı məlum olub.

Futbolxeber.az saytının məlumatına görə, Ağdam klubu müqavilə ilə İspaniyanın "Leqanes" klubuna məxsus olan Kvabena Ovusunu transfer etməyə yaxındır.

22 yaşlı hücumçu 2017-ci ildə “Leqanes”lə müqavilə imzalasa da, bu komandanın heyətində rəsmi debüt edə bilməyib.

Son illər icarə əsasında “Ovyedo”, “Kartagena”, “Salamanka”da çıxış edən qanalı forvard cari mövsümün ilk yarısını da icarə əsasında “Kordobo”da keçirib. Ovusunu 2019-cu ildən dəvət aldığı Qana yığmasının heyətində 3 matçda meydana çıxıb.