4 Aprel 2025, Cümə
Millimizin heyəti açıqlandı
Millimiz FİFA reytinqində gerilədi
Samir Abasov: “İnam 100 faiz var”
Elmar Baxşıyevdən qələbə şərhi

Ölkə futbolu

Zaur Axundov: “Xaricdə bir neçə mütəxəssislə danışıq aparılır”

AFFA İcraiyyə Komitəsinin üzvü, “Keşlə”nin Müşahidə Şurasının sədri Zaur Axundov milli komandamızın baş məşqçi vəzifəsinin boş qalması haqda danışıb.

Futbolxeber.az saytının məlumatına görə, o, jurnalistlərə açıqlamasında hazırda əcnəbi mütəxəsisslərlə danışıqlar aparıldığını bildirib:

“AFFA İcraiyyə Komitəsinin iclası olacaq. Xaricdə bir neçə mütəxəssislə danışıq aparılır. Məncə, bunu zamanın öhdəsinə buraxaq. Bu qərarı mən verə bilmərəm, İcraiyyə Komitəsi, AFFA prezidenti, futbol ictimaiyyəti var. Şəxsi fikrim belədir ki, bizə təcrübəli məşqçi lazımdır. Həmçinin millinin heyətinin 50 faizinin dəyişdirilməsinin, yeni gənc nəslə üstünlük verilməsinin tərəfdarıyam. Klublarımızda yaxşı futbolçular var. Millinin heyətinin yarısı dəyişdirilməli, futbolla alışıb-yanan, öz üzərində çalışan, futbolu sevən, dedi-qodulara, təzyiqlərə fikir verməyən oyunçular çağırılmalıdır. Hamımız milli komanda üçün çalışmalıyıq, çünki ölkəmizin adını təmsil edir. Şəxsən mənim üçün birinci milli komanda gəlir, sonra "Keşlə".

“Keşlə”nin rəhbəri komandanın baş məşqçisi Tərlan Əhmədovun adının milli komanda ilə hallanmasına da münasibət bildirib:

“Bir klub rəhbəri kimi, mən də sevinərəm. Hər bir rəhbər üçün təkcə baş məşqçisi yox, futbolçusunun milliyə dəvət edilməsi sevindiricidir. Mətbuatımızın belə məsələləri işıqlandırması tərifəlayiqdir. Bu o deməkdir ki, media da yerli mütəxəssislərin çalışmasını istəyir. Təkcə Tərlan Əhmədovun yox, Ayxan Abbasovun, Samir Abasovun da adı var idi. Onlar gənc məşqçilərimizdir. Hər şeyi zaman göstərəcək. Tərlan müəllimlə bu barədə söhbətim olmayıb. O, hazırda tam olaraq "Keşlə"nin təlim-məşq toplanışı ilə məşğuldur”.

 








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Aprel 2025
B.eÇ.aÇC.aCŞB
01 02 03 04 05 06
07 08 09 10 11 12 13
14 15 16 17 18 19 20
21 22 23 24 25 26 27
28 29 30