“Sumqayıt”, “Zirə” və “Sabah” 1/4 finalda

Azərbaycan kubokunda 1/8 final mərhələsinə yekun vurulub.

Futbolxeber.az saytının məlumatına görə, son oyun gününə üç qarşılaşma keçirilib. Hər üç görüşdə Premyer Liqa və birinci divizion təmsilçiləri üz-üzə gəlib.

"Qaradağ Lökbatan"ı qəbul edən "Zirə" 4 cavabsız qolla qalib gələrək növbəti mərhələyə yüksəlib. Zaur Həşimovun komanda 1/4 finalda "Səbail"lə qarşılaşacaq.

Günün digər oyununda "Sabah" "Ağsu"ya 5:0 hesabı ilə qalib gələrək növbəti mərhələdə "Qəbələ"yə rəqib olub.  "Sumqayıt" isə "Zaqatala"nı qəbul edib və 2:0 hesablı qələbə qazanıb.  Meydan sahibləri 1/4 finalda "Neftçi" ilə üz-üzə gələcək.

Qeyd edək ki, ötən gün "Kəpəz"i 3:1 hesabı ilə məğlub edən "Keşlə" 1/4 finala yüksəlib və bu mərhələdə "Qarabağ"a rəqib olub.

Azərbaycan Kuboku

1/8 final

4 dekabr

“Sumqayıt” - “Zaqatala” 2:0

Qollar: Rəhim Sadıxov, 19-pen, Əmir Ağayev, 70

Hakimlər: Nicat İsmayıllı, Zeynal Zeynalov, Cəmil Quliyev, Orxan Məmmədov

“Kapital Bank Arena”

“Zirə” - “Qaradağ Lökbatan” - 4:0

Qollar: Elvin Məmmədov, 45-pen. Müşfiq İlyasov, 55, Xulio Rodriges, 69, İbrahim Aslanlı, 78

Hakimlər: Rəşad Əhmədov, Namiq Hüseynov, Müslüm Əliyev, Namiq Bəkirov

Zirə İdman Kompleksinin stadionu

“Sabah” - “Ağsu” 5:0

Qollar: Ulise Diallo, 29, Məhəmməd Mirzəbəyov, 61, Arsen Ağcabeyov, 70, Rocer Roxas, 82, 90+3

Hakimlər: Fərid Hacıyev, Mübariz Haşımov, Pərvin Talıbov, Elçin Məsiyev

“Bank Respublika Arena” (ehtiyat meydança)

3 dekabr

“Keşlə” - “Kəpəz” 3:1

1/4 final

(15/16-19/20 dekabr)

“Qəbələ” - "Sabah"

“Səbail” - "Zirə"

“Neftçi” - "Sumqayıt"

“Qarabağ” - "Keşlə"