“Qəbələ” APOEL-ə məğlub oldu

“Qəbələ”nin 19 yaşadək futbolçulardan ibarət komandası bu gün UEFA Gənclər Liqasında ikinci oyununa çıxıb.

Futbolxeber.az saytının məlumatına görə, Çempionlar yolunda mübarizə aparan Famil Xəlilovun komandası 1-ci mərhələnin cavab görüşündə Kiprin APOEL klubu ilə qarşılaşıb.

Nikosiyada keçirilən ilk görüşdə 1:1 hesablı heç-heçə edən "qırmızı-qaralar"ın mərhələ adlamaq üçün yaxşı şansı var idi. Qolsuz heç-heçə də "Qəbələ"ni növbəti mərhələyə yüksəldəcəkdi. Lakin təəssüf ki, təmsilçimiz sərəli nəticəni qoruya bilməyib. 1:0 hesablı qələbə qazanan APOEL növbəti mərhələyə adlayıb.

UEFA Gənclər Liqası

1-ci mərhələ, cavab oyunu

24 oktyabr

“Qəbələ” (Azərbaycan) - APOEL (Kipr) 0:1

Qol: Satsias, 55

Baş hakim: Denis Şurman (Ukrayna).

Qəbələ. Şəhər stadionu

İlk oyun - 1:1