Qurban Qurbanov: “Vacib qələbə qazandıq”

“Futbolçularımı təbrik edirəm. Vacib qələbə qazandıq. Futbolçular matça tam ciddi hazırlaşmışdılar və bizim üçün vacib olan 3 xalı əldə etdik”.

Futbolxeber.az saytının məlumatna görə, bu sözləri “Qarabağ”ın baş məşqçisi Qurban Qurbanov Azərbaycan Premyer Liqasının 5-ci turunda “Zirə”nin səfərdə 3:1 hesabı ilə məğlub etdikləri oyundan sonra deyib.

- Son iki oyunda cərimə zərbəsindən 2 top buraxmısınız. Bununla bağlı qapıçı məşqçisi ilə danışmaq fikriniz varmı, yoxsa bu, təsadüfdü?

- Məncə, zərbəni vuranlar dəqiq yerinə yetiriblər.

- Xayme Romeronun hazırkı durumu necədi?

- Deyəsən, yaxşı deyil. Ola bilsin ki, zədəsi ciddidi. Çiyni çıxıb.

- Digər zədəlilər Mahir Emreli və Rahil Məmmədovun hazırkı vəziyyəti nə yerdədi?

- Fərdi məşqlərə başlayıblar. Mahir ola bilsin ki, komandaya daha tez qoşulsun (sport24.az).