"Xəzər Lənkəran"dan Pitə cavab gəldi: "Biz heç kim üçün klub axtarmırıq"

"Xəzər Lənkəran" klubu Adrian Pitin iddialarına cavab verib. Futbolxeber.az saytına verdiyi açıqlamada klubun mətbuat xidmətinin rəhbəri Hüseyn Cəbrayıloğlu rumın futbolçunun iddialarının əsassız olduğunu bildirib: "Pitin açıqlaması ilə tanış oldum. Onun sözləri əsassızdır. Düzdür, onun müqaviləsi ilə yaxından tanış deyiləm. Lakin bilirəm ki, biz ona klub axtarmalı deyilik. Bu, gülməli iddiadır. Biz heç bir futbolçu üçün klub axtarmırıq. O "transfer pəncərəsi" bağlanana kimi özünə klub tapmalıdır. Əks halda, geri dönəcək və biz müqaviləyə uyğun olaraq, ona əvəzedici heyətdə məşq eləməyə imkan yaradacağıq".