"Mariopol"un baş məşqçisi: "Qəbələ" oyuna daha yaxşı başladı"

“Mariopol”un baş məşqçisi Aleksandr Babiç “Qəbələ” ilə yoxlama görüşü haqda danışıb.

 

Futbolxeber.az saytının məlumatına görə, Babiç görüşü bu cür dəyərləndirib: “İlk oyunumuz asan alındı. Axaş isə daha yüksəksəviyyəli komanda ilə oynadıq. “Qəbələ” də bizim kimi Avropa Liqasının təsnifat mərhələsinin oyununa hazırlaşır. Rəqib daha yaxşı başladı. İlk 15 dəqiqədə biz “yatmışdıq”, ona görə də uşaq səhvlərindən iki qol buraxdıq. Buraxdığımız ikinci qoldan sonra biz oyuna qoşulduq. 

 

Ümumi olaraq, oyundan razıyam. Biz topa sahib olan tərəf idik. Müdafiədə də yaxşı idik. Futbol səhvsiz olmur. Səhvlərimizi analiz edəcəyik”.