"Viktoriya"nın baş məşqçisi: "Qarabağ" daha aqressiv idi"

"Birinci hissə düşündüyümüz kimi keçmədi. Matçın gedişində fərqli taktika sınaqdan keçirdik. Təəssüf ki, bizdə heç nə alınmadı".

 

Futbolxeber.az-ın məlumatına görə, bu sözləri "Viktoriya"nın məşqçisi Zdenek Beçka "Qarabağ"la yoxlama oyunundan sonra klubun rəsmi saytına açıqlamasında deyib.

 

O, 2:2 hesabı ilə başa çatan matçı belə şərh edib: "Rəqib daha aqressiv idi və bu amil bizim çox vaxtımızı aldı. Fasilədən sonra klassik 4-2-3-1 taktikamıza döndük. 5-6 oyunçu əvəzləməsindən sonra istər-istəməz oyunda da dəyişiklik olur. Biz artıq oyuna dominantlıq edirdik. Yaxşı ki, ehtiyatdakı uşaqlar komandanın gücünə təkan verdi. Bu, rəqabəti artırır və hamı görür ki, yeri təmin olunmayıb".