Rövnəq Abdullayev: “Təəssüf ki, milli komandamız uğursuz çıxış etdi”

“Azərbaycan Prezidenti İlham Əliyevin Avropa Liqasının finalının keçirilməsi barədə imzaladığı sərəncam oyunun yüksək səviyyədə təşkilinə zəmin yaradır”.

Futbolxeber.az saytının məlumatına görə, bu sözləri AFFA-nın prezidenti Rövnəq Abdullayev qurumun bu gün keçirilən  Hesabat Konfransında deyib.

O, daha sonra klublarımızın arokuboklardakı çıxışına toxunub, həmçinin, yığma komandamızın Millətlər Liqasında uğursuz nəticə əldə etdiyini də bildirib: "Qarabağ" bu il növbəti dəfə Avropa Liqasının qrup mərhələsində iştirak etdi. Bu, bizim üçün sevindirici məqam oldu. Təəssüf ki, milli komandamız Millətlər Liqasında uğursuz çıxış etdi. Milli komandamızın yeni baş məşqçisi Nikola Yurçeviçə uğurlar arzulayıram.

İnanıram ki, klublarımız növbəti mövsüm avrokuboklarda öz sözünü deyəcək, yaxşı çıxış edəcək. Millimizi də çətin sınaq gözləyir. Novruz bayramında ilk oyunumuzu Xorvatiyaya qarşı keçirəcəyik. Komandamıza uğurlar arzulayıram. İnanıram ki, ötənilki uğursuzluğu bizə unutduracaqlar. AÇ-2020-nin seçmə mərhələsində uğurlu çıxış etməyə çalışmalıyıq. Düşünürəm ki, 2019-cu il bizim üçün uğurlu olacaq və "Birlikdə güclüyük" devizimiz həyata keçəcək".