“Millinin respublika stadionunda oynaması üçün 50 min manat ödənilməlidir”

AFFA-nın baş katibi Elxan Məmmədov milli komandamızın martın 25-də Litvaya qarşı keçiriləcək yoxlama oyunununda Tofiq Bəhramov adına Respbulika stadionunda deyil, “Bakcell Arena”da keçirilməsinə aydınlıq gətirib.

Futbolxeber.az saytının məlumatına görə, CBC Sport-un canlı yayımında baş katib bunu maddiyyatla əlaqələndirib:

“Respublika stadionu AFFA-nın balansında deyil. Ona görə də millimizin orada keçirəcəyi hər oyun üçün müəyyən məbləğ ödənilməlidir. Söhbət 50 min manatdan gedir. Bu məbləğə məşqlər daxil deyil. Bunun üçün ayrıca ödəniş edilməlidir. “Bakcell Arena” isə AFFA-nın balansındadır.

Millinin oyunları zamanı əsas gəlir skaybokslardan götürülür. “Bakcell Arena”da isə skayboksların sayı daha çoxdur. “Bakcell Arena”da 23, respublika stadionunda isə 12”.