"Qarabağ"a qalib gəlmək? Hər şey mümkündü"

"Sabah"a qarşı yaxşı oynadıq. Turnir cədvəlində arxada qaldığımıza görə bizə üç xal çox vacib idi. Ona görə də maksimum nəticə üçün oynadıq". Bu sözləri Futbolxeber.az saytına açıqlamasında "Qəbələ"nin müdafiəçisi Rasim Ramaldanov deyib.

Bölgə təmsilçisinin üzvü Premyer Liqanın 10-cu turu çərçivəsində keçirilən oyunu şərh etdikdən sonra komandanın özünə yavaş-yavaş gəldiyini bildirib. Bununla yanaşı qarşıdakı turda üz-üzə gələcəyi "Qarabağ"la oyun barədə də fikirlərini bildirib: "Sabah" yaxşı komandadı. Onlara uğurlar arzu edirəm. Növbəti oyunumuz yenə evdə "Qarabağ"a qarşı olacaq. Çalışacağıq ki, həmin oyunda da öz oyunumuzu göstərək və xallarımızı qazanaq. "Qarabağ"a qalib gəlmək? Hər şey mümkündü futbolda. Necə olacağını əvvəlcədən demək olmaz. Hələ qarşıda bir həftə var, yaxşı hazırlaşacağıq. İnanıram ki, bundan da yaxşı olacaq. Sözsüz ki, turnir cədvəlindəki bu yer bizi qane etmir".